«Ашық есік» күні

Ағымдағы жылдың 4 желтоқсан күні Ж.Мусин атындағы Көкшетау жоғары қазақ педагогикалық колледжінде Мектепке дейінгі бөлімнің ұйымдастырумен  кәсіптік бағдар беру жоспарына сәйкес Ақмола облысы, Бұланды ауданы, Алтынды ауылы, Тұрсынбек Кәкішев атындағы Алтынды орта мектебінің жоғары сынып  оқушыларына мамандықты дұрыс таңдау жасауына бағыт беру мақсатында ZOOM платформасы арқылы  «Ашық есік» күні ұйымдастырылды. Кездесу барысында колледж жайында бейнефильм көрсетіліп, мамандықтар бойынша толық ақпарат берілді. Тәрбие жұмысы негізінде ұйымдастырылатын элективті курстар, үйірмелер туралы мағлұматтар берілді. Мектепке дейінгі бөлімнің 3 курс студенті А.Қалымсейіт «Сиқырлы әлем» қуыршақ театры үйірмесі туралы таныстырып өтті. Кері байланыс орнатылып, оқушылар өздерін қызықтырған сұрақтарына жауап алды. Іс-шараға директордың практика бойынша орынбасары Қ.С.Мұқышева, мектепке дейінгі бөлім меңгерушісі С.А.Әмірова және мектепке дейінгі бөлімнің  жеке пәндер оқытушысы Г.Т.Балдыкова, Тұрсынбек Кәкішев атындағы Алтынды орта мектебінің директоры А.А.Кинабаева  және  аталған мектептің жоғары сынып оқушылары  қатысты.