VIII халықаралық «ALASH STAR» өнер байқауының жеңімпазы атанды

Қазақстан Республикасының Тұңғыш Президенті: «Біз әлемдік мәдени құндылықтармен үндес жаңа замандағы қазақтың озық мәдениетін қалыптастыруымыз керек», – деген сөздері бізге тың ой тастағандай. Мәдениет пен өнер бар кезде қазақтың жанған ошағын ешкім сөндіре алмасы мәлім. Жастарды қолдау – болашақтың іргетасын қалау. Осы орайда алты алаш жастарының басын қосқан, Алаш өнер орталығының ұйымдастыруымен өткен VIII халықаралық «ALASH STAR» өнер байқауында Ж.Мусин атындағы Көкшетау жоғары қазақ педагогикалық колледжінің студенттері де сынға түсті. «Көркем сөз» номинациясы бойынша өнер көрсеткен Филология бөлімінің студенті Хонарбай Альбина жеңімпаз атанып, І дәрежелі дипломмен марапатталды. Жетекшісі Жабагинова Майра Қанапияқызына халықаралық дода ұйымдастырушылары тарапынан Құрмет грамотасы табысталды. Жеңімпазымызды аталмыш жеңісімен шын жүректен құттықтаймыз!