Наурыз – көне мейрам!

Наурыз мерекесін тойлау дәстүрі дүниежүзі халықтарының көпшілігінің тұрмыс салтында ерте замандардан орын алған. Ж.Мусин атындағы педагогикалық колледжінде Ұлыстың ұлы күні Наурыз мерекесін тойлау кең көлемде аталып өтпек. Бүгін «Сымбат» сән мектебінің ұйымдастыруымен ұлық мерекені тойлау Саумалық жырын айтумен басталды. Колледж жастары оқытушыларды Наурыз жырымен, шашумен, дастарханның қадірлі асының бірі бауырсақпен және қымызбен қарсы алды. Ертеңгілік шарада төс қағыстыру, саумалық айту, шашу шашу сынды қазақтың дәстүрлері орындалды.