«Білім күні» аталып өтті

2 қыркүйек. Ж.Мусин атындағы жоғары қазақ педагогикалық колледжінде дәстүрлі түрдегі «Білім күні» аталып өтті. Биылғы оқу жылы колледжіміз үшін айтарлықтай жағымды жаңалықтармен басталды. Жаңа оқу жылын колледжіміз жаңа заңнамалық атау «Көкшетау жоғары қазақ педагогикалық колледжі» дәрежесімен бастаса, «Мектепке дейінгі тәрбие және оқыту» және «Бастауыш білім беру» мамандықтары бойынша қолданбалы бакалавриат топтары ашылып колледжіміз жаңа оқу деңгейіне көтерілді. Атап өтер тағы бір жақсы жаңалығымыз, тамыз айында колледжіміздің ағылшын бөлімінің студенттері Кембридж аймақтық колледжінің тілдік курстарында өз білімдерін жетілдіріп келді. Осындай жағымды жаңалықтармен басталған салттанатты жиын колледж табалдырығын алғаш аттағалы тұрған білім алушыларға арналған құттықтауларға ұласты. Жиыннан соң барлық топтарда «Болашаққа бағдар» бейнеролигінің көрсетілімі аясында «Мен өз елімнің патриотымын» тақырыптарында тәрбие сағаттары өткізілді.