Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
«ҚАЛДЫРҒАН ІЗІҢ МӘҢГІЛІК!» атты Ұстаздар күніне арналған мерекелік концерт
09.10.2023
2023 жылдың 6 қазан күні Ж.Мусин атындағы Көкшетау жоғары қазақ педагогикалық колледжінде «Қалдырған ізің мәңгілік» атты Ұстаздар күніне арналған мерекелік концерті өтті. Іс-шара барысында жаңа оқу жылында бағындырып үлгерген жетістіктеріміз атап өтілді. Филология ғылымдарының кандидаты, Педагогикалық ғылымдар академиясының академигі, Қазақстанның еңбек сіңірген ұстазы Ахат Нұртас Ахатұлына ұстаздар қауымын мерейлі мерекемен құттықтап, толағай табыстар тіледі. Сондай-ақ білім беру жүйесіндегі адал жұмыс атқарғаны және кәсіби қызметте қол жеткізген нәтижелері үшін «Қазақстандық Оқу – ағарту, Ғылым және жоғары білім қызметкерлерінің салалық кәсіптік одағының Астана қаласы мен Ақмола облыстық ұйымы» ҚБ төрағасының Құрмет грамотасымен педагогика пәнінің оқытушысы Секенова Балкүміс Байжанқызы, Магзумова Гаухар Әділбекқызы, Атай Сабыржан Құрманұлы, Тұрлыбекқызы Мәншүк, Тюлебаева Хазина Михайловна және елеулі еңбегі үшін Ақмола облысы білім басқармасының басшысының Алғыс хатымен Садвакасов Айбек Серикович пен Садвакасов Берик Кабиевич марапатталды. Сонымен қатар жас маман Кравченко Анастасия Петровна «Ұстаздық жол – ізгілік пен адалдық» атты Республикалық Педагогтер съезі туралы әсерімен бөліссе, биыл еңбек кітапшаларының алғашқы парағы ашылып отырған жас мамандар салтанатты түрде ант берді. Биыл көшбасшылық қызмет жолына 30 жыл толып отырғанына орай «Көшбасшылық феномені», «Лидерлік стилі», «Тұлғалық болмысы» бір бойында қалыптасқан колледж басшысы Ахат Нұртас Ахатұлы арнайы медальмен марапатталды. Сондай-ақ білім беру саласының өркендеуі жолында адал қызмет етіп, жас ұрпақты оқыту мен тәрбиелеудегі ерен еңбегіне отыз жыл толып отырған ұстаздар Рахимова Айсұлу Сембіқызы мен Бегалин Болат Жанайдарұлына арнайы төсбелгі табыс етілді. Мерекелік іс-шарада «Ақ қауырсын» поэзия клубының мүшелері мәнерлеп өлең оқыса, «Қоңырқаз» дуэті «Ардақты менің Ұстазым» әнін әуелете орындады, «Шабыт» домбырашылар ансамблі күй тарса, «Мерей» би ансамблі «Толғау» биін мың бұрала биледі.
Просмотров: 302