«Art Time» балалар, жасөспірімдер және жастар шығармашылығының халықаралық фестиваль-конкурсы

Қарағанды қаласының «Талантты шоқжұлдыздар» жеке кәсіпорынының ұйымдастыруымен Ж.Мусин атындағы Көкшетау жоғары қазақ педагогикалық колледжінің базасында 22 ақпан күні «Art Time» балалар, жасөспірімдер және жастар шығармашылығының халықаралық фестиваль-конкурсы өтті.
Конкурс «Аспаптық музыка», «Академиялық вокал», «Эстрадалық вокал» және «Дәстүрлі әндер» номинациялары негізінде ұйымдастырылды.
Бір күнге созылған өнер сайысының нәтижесінде колледж студенттері Анурбекова Аружан «Эстрадалық вокал» номинациясы бойынша ІІ орын, иеленді. Жетекшісі – С.Т.Абдрахманова. Едрисова Мадина «Эстрадалық вокал» номинациясы бойынша Гран при иегері атанды. Жетекшісі – С. Қ.Таткенова. Нұрдыхан Арыстан «Дәстүрлі әндер» номинация бойынша қатысып, Гран при иегері атанды. Жетекшісі – А.А.Кусаинов. Күрес Арай «Дәстүрлі әндер» номинациясы бойынша өнер көрсетіп, І орын иеленді. Жетекшісі – А.А.Кусаинов. Бақыт Кенжебек «Фортепиано» номинациясы бойынша ІІ орын алды. Жетекшісі – Б.А.Амрина. Бабаева Алина «Баян» номинациясы негізінде ІІІ орын иеленді. Жетекшісі – Н.Сұлтан. Тілеубек Ләйлә «Баян» номинациясы бойынша ІІІ орын иеленді. Жетекшісі – А.З.Заманбекова.
С.К.Таткенова, А.З.Заманбекова, С.Т.Абдрахманова, Б.А.Амрина, Н.Н.Сұлтан, А.А.Кусаинов педагогикалық шеберлігі мен лауреат дайындап, жетекшілік еткені үшін арнайы дипломдармен марапатталды.