Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
«ЖАЙДАРЫ ЖАЗ – 2023» АТТЫ ТӘЛІМГЕРЛІК НҰСҚАУ БЕРУ ОРТАЛЫҒЫНЫҢ САЛТАНАТТЫ ЖАБЫЛУЫ
08.06.2023
Ағымдағы жылдың 2 маусым күні Ж.Мусин атындағы Көкшетау жоғары қазақ педагогикалық колледжінде «Жайдары жаз – 2023» атты тәлімгерлік нұсқау беру орталығының салтанатты жабылуы өтті. Орталықта «STAR TEEN-AGER» логикалық-морфиус квест ойыны, «Күлкі күні» жасақтар арасында жайдарман ойын кеші, «Денсаулық және спорт» күні «Алаш ардақтылары» саябағында «Көңілді старттар» эстафетасы, «Этноауыл» ұлттық сауықтыру кешенінің StartUp жобасын қорғау, «Экологиялық жорық» сейіл, «Maska show» шығармашылық байқауы және «Тik Тok» би байқауы ұйымдастырылды. Жоспарланған тапсырмалар тәлімгерлерді жан-жақты қырынан аша түсті. Өздерінің ұйымшылдықтарын көрсетіп, белсенді атсалысты. Дос ретіндегі қарым-қатынастары бір үйдің баласындай, яғни бауыр ретінде дамыды.
Жабылу салтанатында колледж директорының оқу ісі жөніндегі орынбасары Ілияс Данагүл Нұртайқызы студенттерге жазғы демалыстағы қызықты сәттерді ұмытылмастай өткізуді тілеп, «Муза», «Адмирал», «Бүркіттер», «Жалын», «Арқаның тарландары», «Қыран», «Алаш», «Шекер», «Болашақ», «Бір үйдің балалары», «Flamingos», «Logo girls» және «Wolves» жасақтарының тәлімгерлеріне сертификат табыс етті. Сондай-ақ колледж директорының практика жөніндегі орынбасары Батанасова Бақытгүл Ерғалиқызы білім алушыларға белсенділіктері үшін алғыс білдіріп, жасақтарды арнайы номинациялармен марапаттады. Атап айтсақ, «Жарқын идеямен» «Адмирал», «Көрермендер көзайымымен» «Шекер», «Мобильді жасақ» аталымымен «Муза», «Үздік Жобамен» «Қыран», «Шығармашыл жасақпен» «Алаш», «Дарындылармен» «Wolves», «Өнерпаздармен» «Flamingoes», «Креативті жасақпен» «Болашақ», «Бірлігі жарасқан» аталымымен «Бір үйдің балалары», «Іскерлер» номинациясымен «Бүркіттер», «Позитивті жасақпен» «Жалын», «Жігерлі жасақпен» «Арқаның тарландары», «Жаңашыл жасақпен» «Logo girls» жасақтары марапатталды. Сонымен қатар «Жайдарман» ойын кешінің қорытындысы бойынша Бас жүлдені «Шекер», І орынды «Адмирал», ІІ орынды «Бүркіт» пен «Жалын» және ІІІ орынды «Болашақ» командалары еншіледі. Тәлімгерлерге алдағы жауапты істе сәттілік тілейміз! Есте қаларлықтай жаз болсын!
Просмотров: 121