Практика қорытындысы бойынша конференция

     Қазан айының 1 күні Ж.Мусин атындағы Көкшетау жоғары қазақ педагогикалық колледжі 0101000 – «Мектепке дейінгі тәрбие және оқыту» мамандығының 4 курс қолданбалы бакалавриат тобы практика бойынша есеп беру конференциясын өткізді. «Баланың мектептегі алғашқы күні» тақырыбында өткізілген конференцияға 2,3 курс студенттері, «Мектепке дейінгі тәрбие және білім беру» бөлімінің оқытушылары және колледж әдіскерлері қатысты. Практика бойынша қорғау 4 курс студенті Шуақбаева Азизаның жаңадан қабылданған студенттермен өткізген «Танысу» тренингісінен басталды. Мектепке дейінгі ұйымдарда білім саласы бойынша енгізілген соңғы жаңалықтар, практика барысында кездескен түрлі мәселелер талқыға салынды. Студенттердің жұмыстары бойынша көрме ұйымдастырылды. Көрмеде іс-тәжірибе барысында жинақталған дидактикалық материалдар, студенттердің портфолиолары, балабақшаға арналған негізгі құжаттар ұсынылып таныстырылды. Конференция қорытындысы ретінде студенттер бір-бірімен пікір алмасып, сұрақтар қойып, ой бөлісті.