А-41,42 топтарында Өндірістік диплом алдындағы тәжірибе қорытындысы бойынша конференция

А-41,42 топтарында Өндірістік диплом алдындағы тәжірибе қорытындысы бойынша ғылыми-тәжірибелік конференция өткізілді. Топ студенттері Ақмола облысы, Солтүстік Қазақстан облысының аудандық мектептерінде және Көкшетау қалалық орта мектептері мен мектеп-гимназияларында тәжірибеден өтті. Конференцияда әр топтан студенттер сөз сөйлеп, тәжірибеден өту процесімен таныстырып кетті. Студенттер мектептерде өткен тәжірибелері туралы пікірлерімен бөлісті, ағылшын тілі пәнінен бекітілген сабақтарды өткізіп, колледж түлектері туралы сөз қозғады, тәжірибеден өткен мекемелер туралы видео дайындап, сабақ үзінділерін көрсетті. Сонымен бірге, топ студенттері тәжірибеден өткен мекемелерде қызмет етіп жүрген колледжіміздің түлектері туралы да айтып кетті. Студенттер тәжірибе барысында қолданған материалдар мен көрнекіліктерін жинақтап, шағын көрме ұйымдастырды. Тәжірибе қорытындысы бойынша тәжірибеден өткен мекемелерден А-41 тобының студенттері Кабдуалиева Камилаға, Бегайдар Дианаға, Құрманғазы Серікболға, Солтанбек Эльмираға, Нурлан Асемге, Каирова Куанышқа және А-42 тобының студенттері Алимова Жадыраға, Жеңіс Құндызға және шетел тілі кафедрасының оқытушыларына Алғыс хат табысталды.