Қоскөл ауылы – қазақтың өркендеуіне үлкен үлес қосқан қасиетті мекен!

Ж.Мусин атындағы Көкшетау жоғары қазақ педагогикалық колледжінде оқытушылар мен студенттер қауымына Арқадағы, Айыртау өңіріндегі Қоскөл ауылы жайында деректі фильм ұсынылды. Қоскөл елінің тумасы, Филология ғылымдарының кандидаты, Қазақстан Педагогика ғылымдары академиясының корреспондент мүшесі, «Құрмет» орденінің иегері, Әдебиет пен педагогика саласындағы біршама еңбектердің авторы, Көкшетау жоғары қазақ педагогикалық колледжінің директоры Нұртас Ахатұлының бастамасымен түсірілген фильмде Қоскөл ауылының тарихы, қазақтың өркендеуіне үлкен үлес қосқан азаматтары жайлы айтылады. Деректі фильмнің соңында Аслан Мұхамедияровтың орындауында Қоскөл ауылына арналған әннің бейнеклипі көрсетілді. Идея авторы: Нұртас Ахатұлы. Сөзін жазған: Алмас Темірбай. Әнін жазған: Сафуан Рысбай