Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
Жатақханадағы Наурыз мейрамы
24.03.2023
Ж.Мусин атындағы Көкшетау жоғары қазақ педагогикалық колледжінің жатақханасында Наурыз мерекесі ерекше форматта тойлануда. Тәрбиешілер І курс студенттері арасында «Мың бір маржан» тақырыбында зияткерлік сайыс ұйымдастырды. Үш турдан тұратын бұл сайыс ата-бабамыздың тұрмыс-тіршілігін, салт-дәстүрін, әдет-ғұрпын қамтитын қымбат қазынасы, рухани байлығы – ауыз әдебиеті туралы болды.
1-тур «Ғажайып алаң» ойыны түрінде өтті. Қатысушылар кезекпен LED экрандағы ұяшықтарда жасырылған тапсырмаларды орындады. Атап айтқанда, мақал-мәтел, тұрақты сөз тіркестері, салт-дәстүр туралы сұрақтарға жауап берді, жұмбақтар шешті.
2-тур тапқырлықты, шапшаңдықты талап ететін айтыстың ең қызық түрі – қайым айтыс түрінде өтті. «Қайым айтыстың» негізгі шарты – берілген екі жолдың ұйқасын бұзбай, соңғы екі жол арқылы жауап қайтару. Бұл сайыста екі топ та өлеңнен құралақан емес екенін көрсетті.
3-тур «Тұрмыс-салт жырлары» деп аталды. Әр топ тұрмыс-салт жырларының бір түрін таңдап, алдын ала дайындаған көріністерін көрсетті. Екі топ та бұл сайысқа зор жауапкершілікпен дайындалып келіпті. ФБ-11 тобы «Жар-жар», ал БМ-11 тобы «Сыңсу» жырын шебер орындады.
Жеңіс ең көп ұпай жинаған ФБ-11 тобына бұйырды. Жалпы қатысушылар да, көрермендер де іс-шарадан керемет көңіл-күйде жадырап шықты. Жатақханада тұратын студенттерді, әсіресе І курс студенттерін әлеуметтендіруде, олардың бойына мейірімділік, бауырмалдық сияқты адамгершілік құнды қасиеттерді сіңіруде осындай бірлескен іс-шаралардың маңызы зор.
Просмотров: 165