ҚҰТТЫҚТАЙМЫЗ!!!

АҚЖОЛТАЙ ХАБАР!!! 2022 жылдың 6 қазан күні Семей мұғалімдер семинариясының түлегі, Қазақ КСР Ғылым Академиясының академигі, қоғам қайраткері, классик жазушы М.О. Әуезовтің 125 жылдығына арналған республикалық «ӘУЕЗОВ ӘЛЕМІ» атты танымдық-шығармашылық  фестивалі өтті. Аталмыш іс-шарада М.Әуезов атындағы педагогикалық колледжінің директоры Жанаева Шағангүл Алдамжаровна Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлына Алаш және Әуезов рухында маман даярлаудағы қажырлы еңбегі үшін «М.О. Әуезов» төсбелгісін табыс етті. Фестиваль аясында ұйымдастырылған байқауларда Ж.Мусин атындағы Көкшетау жоғары қазақ педагогикалық колледжінің жүлде қоры толықты. «Сөз құдіреті» байқауынан «Филология» бөлімінің ІV курс студенті Жамилахын Алмас жүлделі ІІ орынды иеленді және қосымша ақшалай сертификат табыс етілді. Жетекшісі: Серкешбаева Гүлжанат Нұрмағамбетқызы. Сондай-ақ «М.О. Әуезов шығармалары жас зерттеушілер көзімен» қашықтық ғылыми жоба байқауында «Филология» бөлімінің ІІІ курс студенті Ехсанова Камила жүлделі ІІ орынды еншіледі. Жетекшісі: Жоламанова Тойындық Молдағалиқызы. Сонымен қатар «Жаңартылған білім беру мазмұны шеңберінде М.О. Әуезов шығармаларын оқу-тәрбие үрдісінде енгізудің маңызы» үздік инновациялық жоба қашықтық байқауында колледж директорының тәрбие ісі бойынша орынбасары Ілияс Данагүл Нұртайқызы жүлделі ІІ орынға ие болды. 7 қазан күні Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық мұражайына экскурсия ұйымдастырылды. Жүлдегерлерді марапатымен шын жүректен құттықтаймыз! Жеңісті күндер көп болсын!