7 – мамыр Отан қорғаушылар күні!

   Отан Қорғаушылар күні қарсаңында Көкшетау қаласында  «Тәуелсіздік» алаңында Ақмола облысы білім басқармасының ұйымдастыруымен салтанатты іс-шара  өтті. Мерекелік іс-шара барысында Көкшетау техникалық институтының курсанттары мен жоғары оқу орындарының студенттері және орта білім ордаларындағы әскери-патриоттық клуб қатысушыларының сомдауымен сұрапыл соғыс кезіндегі жауынгерлердің ерлігін әспеттейтін әскери қойылымдар көрсетіліп, сап және ән байқауы өткізілді. Колледж директоры, филология ғылымдарының кандидаты Қазақстан ПҒА корреспондент мүшесі Н.Ахат «Отан қорғаушылар күніне» арналған әскери-патриоттық саптық өлеңдер байқауына белсенді ат салысып, сапалы командаларды даярлағаны үшін Ақмола облысы қорғаныс істері жөніндегі департаментінің басшысы, подполковник Р.Қасымовтың алғыс хатымен марапатталды. Отан қорғаушылар күніне арналған техникалық және кәсіптік білім беру ұйымдары студенттері арасында өткізілген облыстық сап және ән байқауына Ж.Мусин атындағы Көкшетау жоғары қазақ педагогикалық колледжінің әскери-патриоттық клуб мүшелері О.Сағидолла, А.Шайрахметованың жетекшілігімен қатысып сапта тұру және саптық ән байқауынан жүлделі І, ІІ орындарды иеленді. Атап айтар болсақ, Айбын» әскери-патриоттық клубы жүлделі І орын, «Томирис» рухани-патриоттық қыздар клубы жүлделі ІІ орынды иеленіп ақшалай сертификатпен марапатталды.