Л.Н.Гумилев атындағы Еуразия ұлттық университеті Қазақ ақпараттық коммуникация академиясының Cisco желілік академиясымен бірлесе отырып дәстүрлі Халықаралық «CISCO STARS-2019» олимпиадасын өткізді. Олимпиада мақсаты – дарынды студенттерді қолдау, жастар арасында желілік технологиялар саласында ғылыми және тәжірибелік білімді дамыту, жағдай жасау, қатысушылардың арасында желіні құру және конфигурациялау мәселелерін шешуге, ғылыми-тәжірибелік тұрғыда қызығушылық тудыратын жастарымыз үшін шығармашылық жұмысты дамытуға мүмкіндік беру. Аталған олимпиадаға Ж.Мусин атындағы Көкшетау жоғары қазақ педагогикалық колледжінің информатика бөлімінің 3-4 курс студенттері Ерлан Минас, Адил Адилет, Амангельдинов Самат, Талғатұлы Диаз, Галиакбарова Акмарал қатысып сертификатпен марапатталды.