Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
І КУРС СТУДЕНТТЕРІН СТУДЕНТ ҚАТАРЫНА ҚАБЫЛДАУ КЕШІ
27.10.2021
Студенттік шақ – адам өміріндегі қайталанбас ғажайып сәт. Білім алушының ең керемет, ең шуақты кезеңі. Осы қатардан табылу – тұлға ретінде қалыптасудағы алғашқы баспалдақ.
Ж.Мусин атындағы Көкшетау жоғары қазақ педагогикалық колледжінің І курс студенттері ресми түрде студент қатарына қабылданды. Карантиндік талаптарға сай, әр топтан белсенді 3 студент қатысты. Десе де, бұл айрықша сәттің куәсі болу барлығына бұйырды. Студенттер мен ата-аналар колледждің ресми парақшасында концертті тікелей эфирден тамашалауға мүмкіндік алды. Бағдарламаға сәйкес білім алушылар өз өнерлерін ортаға салды. Әуелеген ән де, күмбірлеген күй де, мың бұралған би де болды. Айта кету керек, студенттер қазақтың қара домбырасынан бастап, жетіген, баян, гитара аспаптарының үнін күмбірлетті. Ең әуелі, ел Тәуелсіздігінің 30 жылдығына орай рухты өлеңдер оқылды. Топ басшыларына филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлының қолынан студенттік билет алу бағы бұйырды. Сондай-ақ колледж директорының тәрбие ісі жөніндегі орынбасары Ілияс Данагүл Нұртайқызы топтың оқу секторларына білім кілтін табыс етті. Шара барысында колледж жетістіктері мен оқу орнының мақтаныш түлектері басты назарға алынды. Кеште колледж директорының практика бойынша орынбасары Мұқышева Қарагөз Серікқызы құттықтау сөз сөйлеп, І курс студенттері арасында өткен «Мен студентпін» бейнеролик байқауының жеңімпаздарын марапаттады. Сонымен қатар А-23 тобының студенті Махмет Әділхан колледж студенттерінің президенті болып сайланса, орынбасары ретінде МД-32ҚБ тобының студенті Макулова Сая тағайындалды. Іс-шара қызықты, әрі тартымды өтті. Кеш қонақтарының жүздеріне күлкі ұялап, тарқасып жатты.
Просмотров: 344