«WORLDSKILLS AQMOLA – 2026» АЙМАҚТЫҚ КӘСІБИ ШЕБЕРЛІК БАЙҚАУЫ

2026 жылдың 15–16 сәуір күндері Ж.Мусин атындағы Көкшетау жоғары қазақ педагогикалық колледжінде «Бастауыш сыныптарда оқыту» құзыреттілігі бойынша «WORLDSKILLS AQMOLA – 2026» аймақтық кәсіби шеберлік байқауы өтті.
Аймақтық кәсіби шеберлік байқауында қатысушылар «Бастауыш сыныптарда оқыту» құзыреттілігі бойынша келесі модульдерде тапсырмалар орындады:
А модулі. 2-сыныптағы бір оқу пәні бойынша («Қазақ тілі»/«Орыс тілі», «Математика», «Жаратылыстану», «Дүниетану») жаңа білімді ашу кезеңіне арналған сабақ фрагментін әзірлеу, әдістемелік сүйемелдеу және өткізу (интерактивті жабдықты қолдана отырып).
В модулі. Интерактивті жабдықты пайдалана отырып, тәрбие жұмысының бір бағыты (эстетикалық, экологиялық, адамгершілік тәрбиесі) бойынша сыныптан тыс іс-шараны әзірлеу және өткізу.
С модулі. Тәрбие бағыты бойынша білім алушылардың жобалық-зерттеу қызметін ұйымдастыруға арналған жоба паспортының жобасын әзірлеу және таныстыру (интернетсіз).
Байқау қатысушылары чемпионат барысында кәсіби дағдыларын көрсетіп, ережеге сәйкес белгіленген регламент аясында арнайы тапсырмаларды орындады.
А модулі бойынша жаңа білімді ашу кезеңіне арналған сабақ Көкшетау қаласындағы №13 «ЭКОС» мектеп-гимназиясының 2-сынып оқушыларына өткізілді.
В және С модульдері колледж қабырғасында ұйымдастырылды.
Аймақтық кәсіби шеберлік байқауында қатысушыларды сарапшы-компатриоттар мен қала мектептерінен тартылған тәуелсіз сарапшылар арнайы критерийлер негізінде бағалады.
Чемпионат қорытындысы шығарылып, жеңімпаздар «WORLDSKILLS AQMOLA – 2026» аймақтық байқауының салтанатты жабылу рәсімінде марапатталады.