«АҒЫЛШЫН ТІЛІН ОҚЫТУДА ЦИФРЛЫҚ БІЛІМ БЕРУ РЕСУРСТАРЫ ЖӘНЕ GOOGLE WORKSPACE ҚҰРАЛДАРЫ» ТАҚЫРЫБЫНДАҒЫ ШЕБЕРЛІК САҒАТЫ

2025 жылдың 29 қазанында Ж. Мусин атындағы Көкшетау жоғары қазақ педагогикалық колледжінде практика бөлімінің ұйымдастыруымен қала мектептерінің ағылшын тілі мұғалімдері мен Шетел тілі кафедрасының оқытушыларының қатысуымен №302 «GlobaLink» құзыреттілік алаңында «Ағылшын тілін оқытуда цифрлық білім беру ресурстары және Google Workspace құралдары» тақырыбында шеберлік сағаты өткізілді.
Шеберлік сағатының мақсаты – Көкшетау қаласының жалпы білім беретін мектептерінің ағылшын тілі мұғалімдерін, колледждің педагог мамандары мен студенттерін интерактивті платформаларды тиімді пайдалануға үйрету, сондай-ақ білім алушылардың тілді меңгеруге деген қызығушылығын арттыруға бағытталған заманауи цифрлық құралдармен таныстыру.
Іс-шараға Көкшетау қаласындағы жалпы орта мектептердің ағылшын тілі мұғалімдері, Шетел тілі кафедрасының оқытушылары және ағылшын тілі бөлімінің IV курс студенттері белсене қатысты.
Шеберлік сағаты барысында келесі тақырыптар қамтылды:
Google Workspace құралдарының (Docs, Slides, Forms, Maps) ағылшын тілі сабақтарында тиімді қолданылуы;
Цифрлық білім беру платформаларының мүмкіндіктері: JeopardyLabs, Diffit, LessonUp, Quizalize, WordArt, Genially;
Интерактивті платформалар арқылы оқушылардың ағылшын тіліне қызығушылығын арттыру (Creative Sparks);
Геймификация элементтері: Wordwall, Quizlet, Layout қолдану тәжірибесі;
Цифрлық технологиялар мен жасанды интеллекттің ағылшын тілі сабақтарындағы тиімділігі;
№1, №17 мектеп-гимназиялары мен IT мектебінің ағылшын тілі мұғалімдерінің тәжірибелік жұмыстары ұсынылды.
Шеберлік сағаты ағылшын тілі оқытушыларының кәсіби тәжірибе алмасу алаңы ретінде қызмет етті. Іс-шара жоғары кәсіби деңгейде ұйымдастырылып, қатысушылар арасында тәжірибе бөлісу және колледж бен мектеп арасындағы кәсіби серіктестік нығая түсті.
Шеберлік сағатына қатысқан студенттер мен оқытушыларға сертификаттар табысталды.