Жазғы практика қорытындысы

   2018-2019 оқу жылында жазғы практиканың қорытындысы бойынша Ж.Мусин атындағы Көкшетау жоғары қазақ педагогикалық колледжінің 0111013 - «Қазақ тілі және әдебиеті мұғалімі» мамандығының ІІІ курс студенттерінде қорғау жұмыстары ұйымдастырылды. Жазғы практика 20-25 мамыр аралығында Көкшетау қаласының №2, №6, №16, №17, №18 мектептері, Зеренді ауданындағы М.Ғабдуллин  ЖШС БСО, «Әулиет» мектептен тыс жұмыс орталығы, 16 ОМ жанындағы "Бәйтерек" сауықтыру орталығы, РОСО Балдәурен сауықтыру мекемелерінде өтті. Практика аяқталған соң студенттер практика нәтижесі бойынша қорытынды есептерін (презентация), бейнефильм түрінде жасап, портфолио жасақтады. Практиканың қызықты сәттерінен көрініс көрсетумен қорғау қызықты, тартымды өтті. Балалардың, оқушылардың жаз мерзімінде түрлі ойындарын, спорттық, көркем-шығармашылық жұмыстарын ұтымды, мазмұнды етіп ұйымдастыруда танытқан шеберліктері үшін практикадан өткен мекеменің Алғыс хаттарымен марапатталды.