«Өнерлі өрендер» қалалық ән байқауы өтті

Ж.Мусин атындағы Көкшетау жоғары қазақ педагогикалық колледжінде Музыка бөлімінің ұйымдастыруымен Қазақстан Республикасы Тәуелсіздігінің 30 жылдығына орай «Өнерлі өрендер» атты қашықтықтан ұйымдастырылған қалалық ән байқауы өткізілді. 2021 жылдың 12 наурызында өткізілген байқауға Көкшетау қаласының №12 жалпы орта мектебі, №17 мектеп-гимназиясы, №19 орта мектебі, №21 мектеп-лицейі, Красный Яр кентінің №3 көпсалалы мектеп-гимназиясының оқушылары қатысты.

Байқау барысында елімізге танымал сазгерлердің ел көңілінен орын алған патриоттық жанрдағы әндері орындалды. Әсіресе, жас сазгерлердің патриоттық, ұлттық, елжандылық рухтағы әндері жас өнерпаздардың орындауында шырқалды.

Байқау қорытындысы бойынша үздік өнер көрсеткен №19 орта мектебінің оқушысы Маликова Дильназ І орынға, Таңатар Бақдәулет (№19 орта мектебі), Жексембаева Диана (№21 мектеп-лицейі), Абиева Сымбат (№12 жалпы орта мектебі) ІІ орынға, ал «Кербез» вокалдық тобы (№21 мектеп-лицейі), Жәдік Лаура (№3 Краяный Яр көпсалалы мектеп-гимназиясы), Жагипарова Дарина (№21 мектеп-лицейі), Жанат Доскелді (№17 мектеп-гимназиясы) ІІІ жүлделі орынға ие болды.

Ән байқауына қатысқан жас өнерпаздардың жетекшілері – Ганибал Клараға, Досымхан Әділбек Күнтуарұлына, Жарова Шолпан Кайруллиновнаға, Садыкова Гульнара Екпінқызы мен Манапова Еркегуль Саматқызына колледж директоры, ф.ғ.к. Ахат Нұртас Ахатұлы атынан алғыс хаттар табыс етілді.