Халықаралық студенттер күнімен!

Кешегі оқушы бүгін студент атанды. 2020 жылдың 17 қараша күні Ж.Мусин атындағы Көкшетау жоғары қазақ педагогикалық колледжі күні кеше табалдырығын аттаған бірінші курс білімгерлерін студенттер қатарына қабылдады. Халықаралық студенттер күніне тұспа-тұс келіп отырған мерекелік шараға І курс топ басшылары мен ұйымдастырушылары қатысып, қалған студенттер ZOOM платформасы арқылы байланысқа шықты. Кеш шымылдығын директордың оқу жұмысы бойынша орынбасары Рақымжан Әсел Қайроллақызы ашып, ыстық лебізді құттықтау сөз сөйледі. Директордың тәрбие жұмысы бойынша орынбасары Д.Ілияс биылғы оқу жылында алған асулар мен жеткен жетістіктерді атап көрсетті және болашақ студенттерді колледждің қоғамдық өміріне бар ынта-жігерімен араласатынына сенім білдіре отырып, «Студент» сынды асқақ атты иемдену үшін қажет ең негізгі құжат – «Студенттік билетті», білім мен ғылымның символы – «Білім кілтін» бірінші курс топ басшыларына табыстады.

Халықаралық студенттер күні қарсаңында ұйымдастырылған «Мен студентпін» онлайн-марафонының қорытындысы бойынша жүлделі орын иеленген студенттер мен топтар марапатталды. Атап айтсақ, Ұлы Абайдың 175 жылдығы, Әл Фарабидің 1150 жылдығы және колледж тарихына арналған сұрақ-жауап викторинасында жан-жақты білімін көрсеткен ФБ-22 ҚБ тобының студенті Омашова Ұлжан І орын, МД-22 ҚБ тобының студенті Белгумбаева Анар ІІ орын, И-11 тобының студенті Жұмабек Гаухар ІІІ орын иеленіп, мақтау қағаздарымен марапатталды.

Мерекелік іс-шара барысында «Мен студентпін» онлайн марафонында «Менің тобым» және «Мен таңдаған мамандық» байқауы бойынша қатысып, үздік нәтиже көрсеткен топтарға арнайы номинациялар табысталды. Кеш соңында колледжге биыл қабылданған білімгерлер ант қабылдады.

Барша І курс студенттерін толыққанды студент атағына ие болуымен құттықтаймыз!