26.10.2021
Кәсіптік бағдар беру жоспарына сәйкес 2021 жылдың 19-20 қазан күні Ж.Мусин атындағы Көкшетау жоғары қазақ педагогикалық колледжінде «Ағылшын» бөлімінің ұйымдастыруымен Біржан сал ауданы Степняк ауылының «Абай атындағы №2 орта мектебінің» және Көкшетау қаласы, Абай атындағы (қазақ тілінде оқытылатын) дарынды балаларға арналған №3 облыстық мамандандырылған мектеп-интернатының 9-11 сынып оқушыларының мамандықты дұрыс таңдау жасауына бағыт беру мақсатында ZOOM платформасы арқылы онлайн конференция ұйымдастырылды. «Ағылшын» бөлімі жайында бейнефильм көрсетіліп, колледж мамандықтары мен біліктіліктері бойынша толық ақпарат ұсынылды. Тәрбие жұмысы негізінде ұйымдастырылатын элективті курстар, үйірмелер туралы мағлұматтар берілді. Кері байланыс орнатылып, оқушылар өздерін қызықтырған сұрақтарына жауап алды. Онлайн конференцияға ағылшын бөлімінің оқытушысы А.Ж.Сағындық және А.Ж.Қаппас қатысты.