Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
Ұстазын ұлықтаған елдің келешегі кемел!
03.10.2020
2020 жыл 28 қыркүйек - 4 қазан аралығында Ұстаздар күніне орай Ж.Мусин атындағы Көкшетау жоғары қазақ педагогикалық колледжінде бірқатар іс-шаралар ұйымдастырылды. Тәрбие бөлімінің бекітілген жоспарына сәйкес мұғалім мәртебесі мен беделін көтеру мақсатында Бастауыш мектеп бөлімі мен Жалпы пәндер кафедрасы «Мұғалім өмірінен бір күн» бейнероликтер байқауын өткізіп, «Ұстаз – ұлы тұлға» тақырыбында постер жариялады. Ұстаздық ету – мәртебелі мамандық екенін оқытушылардың бір күні арқылы жеткізген бейнероликтер байқауы ұстаздықтың қызығы мен шырғалаңы қатар жүретін мамандықтардың төресі екендігін айқындап берді. Филология бөлімі, Дене мәдениеті бөлімдерінің топ жетекшілері мен студенттері тарапынан «Ұстаздық еткен жалықпас» тақырыбында тәрбие сағаттары өткізілді. «Жай мұғалім хабарлайды, жақсы мұғалім түсіндіреді, керемет мұғалім көрсетеді, ал ұлы мұғалім шабыттандырады», – деген тамаша тәмсіл бар. Осы бір ұстанымды басшылыққа алған оқытушылар да болашақ педагог мамандарды шабыттандыру, өз мамандығына деген сүйіспеншілігін арттыру мақсатындағы тәрбие сағаттарында ұлттың ұлы ұстаздарын ұлықтап, мазмұнды да танымдық сипатта өткізді. Информатика бөлімінің оқытушылары мен студенттері тарапынан айтулы мерекеге орай «Менің алғышқы ұстазым» тақырыбында бейнероликтер жасалды. Қолға алғаш қалам ұстатып, әріп танытқан ардақты жандарға, аяулы ұстаздарға небір асыл сөздер, әдемі теңеулер, естен кетпес естеліктерге толы арнаулар, құттықтау бейнероликтері жолданды. Музыка бөлімінің топ жетекшілері, Мектепке дейінгі бөлім оқытушылары «Ұстаз аты биік әрі мәңгілік» онлайн-музыкалық тартуын барша ұстаздар қауымына жолдады.
Просмотров: 320