ЖАҢА ОҚУ ЖЫЛЫНА – ЖАРҚЫН ЖЕТІСТІКПЕН!

2024 жылғы 15 тамыз күні Ақмола облысы Көкшетау қаласындағы «Bolashaq saraiy»-нда 500-дей ұстазды жинаған «Digital Кazakhstan: жаңа замандағы білім беру» облыстық тамыз кеңесінде «Ы.Алтынсарин» төсбелгісін иеленген Ж.Мусин атындағы Көкшетау жоғары қазақ педагогикалық колледжіндегі педагогика пәнінің оқытушысы, педагог-шебер, Л.Н.Гумилев атындағы Еуразия ұлттық университетінің «8D01103 – Педагогика және психология» білім бағдарламасы бойынша PhD докторанты Батанасова Бақытгүл Ерғалиқызын колледж ұжымы құшақ жая қарсы алып, ізгі лебіздерін білдірді. Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстанның еңбек сіңірген ұстазы, Ж. Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы жаңа  оқу жылының жарқын жетістікпен басталғанын атап өтіп, оқытушыларға сәттілік тіледі.