Бастауыш сыныпта ағылшын тілін үйрету

2017 жылғы 10-14 сәуір аралығында «Өрлеу» Біліктілікті арттыру орталығында ағылшын тілінің маманы Дебора Фэрли және АҚШ Елшілігінің өкілдерімен ұйымдастырылған 10-сағаттық оқыту курсы өткізілді. Оқыту курсы «Бастауыш сынып оқушыларын ағылшын тіліне үйрету» тақырыбында ұйымдастырылды. Бұл курсқа колледжімізден ағылшын бөлімінің Китарова Г.С., Жусупова Д.П., Ташенова А.К. сияқты оқытушылары және 4 курс студенттері Каппас А., Андагулова Д. қатысты. Курс барысында мектепке дейінгі және бастауыш сынып оқушыларын ағылшын тіліне үйрету үдерісінің ғылыми-әдістемелік ерекшеліктері, балалардың тілге деген қызығушылығын арттыру, сабақ беру әдістерін түрлендіру мәселелері талқыланды. Қатысқан оқытушылар мен студенттер ағылшын тілін үйретудің көптеген әдістерін біліп, зор тәжірибе алды. Барлық қатысушылар сертификаттар және «English Forum» атты оқыту журналдарымен марапатталды.