«Өнерлі өрендер - 2017» қалалық өнерпаздар байқауы

21 сәуір күні колледжде «Өнерлі өрендер - 2017» қалалық өнерпаздар байқауы өтті. Байқаудың мақсаты: жас дарындар мен өнерлі ұрпақ арасында үздіктерді анықтау, олардың шығармашылық өсуіне ықпал жасау, өнерін насихаттау,мәдениетін қалыптастыру. Байқау қатысушыларының өнерлері «Жеке ән салу», «Аспаптық орындаушылық», «Би өнері» номинацияларымен бағаланды. Байқау барысында сахна төрінде әсем ән әуелеп,күмбірлеген күй төгіліп, мың бұрала би биленді. Байқауға ҚР Мәдениет қайраткері Құрмет Сақай, Оразова Сара, Бешимов Қайрат, Қабдуали Сұлтан сынды білікті музыка мамандары қазылық етті. Байқау қорытындысы бойынша «Жеке ән салу» номинациясы бойынша жүлделі  I орын №3 «Дарын» мамандандырылған мектеп-интернатының 10 сынып оқушысы ХаджмуратоваЖамила, II орын №17 орта мектеп оқушысы Қуандықова Айдана, III орын №12 орта мектеп оқушысы Амангельдықызы Камиланың еншісіне тиді. «Аспаптық орындаушылық» номинациясы бойынша  жүлделі I орынды № 17 орта мектеп оқушысы Есентай Әділхан, II орын № 1 орта мектеп оқушысы Смагулов Нұржан, III орын № 17 орта мектеп оқушысы Канапин Жасұлан иеленді. «Би өнері» номинациясы бойынша жүлделі I орынды № 2орта мектеп оқушысы БаймухановаЛана,II орын № 17 орта мектеп оқушысы Кенжеболат Әсел, III орынды № 14 орта мектеп оқушысы Рәш Томирис иеленді. Байқау жеңімпаздары дәрежелі дипломдармен марапатталып, бағалы сыйлықтарға ие болды. Барлық қатысушы өнерпаздар мен жетекшілеріне байқауға қатысқандығын растайтын сертификаттар мен естелік фотосуреттері бар календарлар табыс етілді. Байқау соңында музыка бөлімінің концерттік бағдарламасы ұсынылып, бөлім жайлы бейнебаян тамашаланды.