Құттықтаймыз!

2023 жылдың 6 желтоқсан күні Астана қаласында өткен Республикалық «Үздік педагог-2023» байқауының жеңімпаздарын марапаттау салтанатында ҚР Оқу-ағарту министрі Бейсембаев Ғани Бектайұлы Ж.Мусин атындағы Көкшетау жоғары қазақ педагогикалық колледжінің  балалар әдебиеті мен мәнерлеп оқу пәнінің оқытушысы, педагог-шебер, филология ғылымдарының магистрі, «Ы.Алтынсарин» төсбелгісінің, «Білім беру ісінің құрметті қызметкері» төсбелгісінің, «Кәсібіне адалдығы үшін» медалінің иегері, Қазақстан Педагогикалық Ғылымдар Академиясының мүшесі Серкешбаева Гүлжанат Нұрмағамбетқызын жеңімпаз атануымен құттықтап, арнайы куәлік пен 1000 АЕК көлеміндегі сыйақыны табыс етті.
Аса қадірлі Гүлжанат Нұрмағамбетқызы, мерейлі жеңісімен шын жүректен құттықтаймыз! Білім саласының дамуы жолында мерейіңіз үстем, мәртебеңіз биік болсын!