«МАҒЖАН ЖҰМАБАЕВ ПЕДАГОГИКАСЫНДАҒЫ ҰЛТТЫҚ ҚҰНДЫЛЫҚТАР САБАҚТАСТЫҒЫ» ТАҚЫРЫБЫНДАҒЫ КОЛЛЕДЖІШІЛІК АПТАЛЫҚТЫҢ ЖАБЫЛУЫ

2023 жылдың 3 қараша күні Ж.Мусин атындағы Көкшетау жоғары қазақ педагогикалық колледжінде М.Жұмабаевтің «Педагогика» еңбегіне 100 жыл толуына орай ұйымдастырылған «Мағжан Жұмабаев педагогикасындағы ұлттық құндылықтар сабақтастығы» тақырыбындағы колледжішілік апталықтың жабылу салтанаты өтті. Апталықтың қорытындысы бойынша «Аптаға шолу» бейнеролигі көрсетілді. Колледж директорының ғылыми-әдістемелік жұмысы бойынша орынбасары Жоламанова Тойындық Молдағалиқызы апталықта атқарылған іс-шаралардың маңыздылығын атап өтті. «Бастауыш мектеп» бөлімінің меңгерушісі Қабдуалиев Ұлан Балғабайұлы да «Педагогика» еңбегінің құндылығына жоғары баға берді. Білім алушылар Темирбулатова Алуа, Солтангазиев Рахатали,  Құрметхан Еркегүл және Аубакирова Лаура өздерінің ой-пікірлерімен бөлісіп, жағымды көзқараста екендігін айтып, апталықтың әсерлі өткендігінен хабардар етті. Сондай-ақ «Мағжанның «Педагогикасы» және ұлт тәрбиесі» тақырыбындағы эссе байқауы мен «Дені саудың – жаны сау» тақырыбындағы спорттық іс-шарасының жеңімпаздары марапатталды. Жабылу салтанатында «Мектепке  дейінгі тәрбие және оқыту» және «Шетел тілі» бөлімдерінің студенттері Ақеділ Қарақат, Темертас Жансұлу, Құмарбек Айгерім «Қарағым»,  «Қазағым», «Түркістан» өлеңдерін мәнерлеп оқыса, «Информатика» бөлімінің студенті  Салпыкова Карина «Науаи» күйін күмбірлетті. «Мектепке дейінгі тәрбие және оқыту» бөлімінің студенттері Койкенова Айгүл және Болат Аяулым «Қазақ» биімен кешті қорытындылады.