«Дені саудың – жаны сау» атты спорттық іс-шарасы

2023 жылдың 2 қараша күні Ж.Мусин атындағы Көкшетау жоғары қазақ педагогикалық колледжінде Мағжан Жұмабаевтың «Педагогика» еңбегіне 100 жыл толуына орай ұйымдастырылып отырған «Мағжан Жұмабаев педагогикасындағы ұлттық құндылықтар сабақтастығы» атты колледжішілік апталығының аясында Дене тәрбиесі бағытындағы «Дені саудың – жаны сау» тақырыбындағы спорттық іс-шарасы өтті. Негізгі мақсат – Мағжан Жұмабаевтың шығармашылығын таныстырып, студенттердің дүниетанымын байыту, оқуға дағдыландыру. Спорттық эстафета «Заттардың орнын ауыстыру», «Құрсау құралын айналдыру», «Өрмекші», «Пингвин», «Кенгуру», «Акробатика», «Өрмелеу», «Секіру», «Лабиринт» және «Паравоз» кешенді жаттығулардан тұрды. Сайыс қорытындысына сәйкес ДМ-31 тобы І орын, ДМ-42ҚБ тобы ІІ орынды иеленді.