«МАҒЖАН ЖҰМАБАЕВ ПЕДАГОГИКАСЫНДАҒЫ ҰЛТТЫҚ ҚҰНДЫЛЫҚТАР САБАҚТАСТЫҒЫ» ТАҚЫРЫБЫНДАҒЫ КОЛЛЕДЖІШІЛІК АПТАЛЫҚТЫҢ АШЫЛУЫ

2023 жылдың 30 қазан күні Ж.Мусин атындағы Көкшетау жоғары қазақ педагогикалық колледжінде «Педагогика және психология» мен «Мектепке дейінгі педагогика және логопедия» кафедраларының ұйымдастыруымен қазақтың педагог-жазушысы, ақыны Мағжан Жұмабаевтың «Педагогика» еңбегіне 100 жыл толуына орай «Мағжан Жұмабаев педагогикасындағы ұлттық құндылықтар сабақтастығы» тақырыбындағы колледжішілік апталықтың ашылуы өтті. Іс-шара барысында колледж директорының практика жөніндегі орынбасары Төлеген Өмірбек Шаймұратұлы ұлы тұлға мұраларының мәңгі өшпес шамшырақ екендігін баса айтты. Сондай-ақ БМ-41 тобының студенттері Азамат Сұлушаш «Бастауыш сыныптың оқу-тәрбие үдерісінде Мағжан Жұмабаевтың танымдық-шығармашылығын ұлттық ойындарда пайдалану», Әшірбекова Назерке «Бастауыш мектепте сыныптан тыс тәрбие жұмыстарын жүргізудегі Мағжан Жұмабаевтың ой-пікірі» және МД-41 тобының студенті Койкенова Айгул «Мағжан Жұмабаев шығармаларының халық ағарту ісіндегі орны» тақырыптарындағы баяндама оқып, тақырып мазмұнын аша түсті. Сонымен қатар БМ-31 тобының студенттері Алихан Тоғжан «Туған жер», Булкаирова Жанар «Қазақ тілі» және Хуандаг Гүлжанар «Мен жастарға сенемін» өлеңін оқып, іс-шараны жандандырды.