«Халқы сүйген қаламгер» атты көркемсөз оқулары

13 ақпан күні Ж.Мусин атындағы Көкшетау жоғары қазақ педагогикалық колледжінде Жанайдар Баймырзаұлы Мусин шығармашылығын насихаттау арқылы қазақтың тілі мен әдебиетіне, мәдениетіне деген оқушылар ықыласын арттыру, еліміздің рухани бірлігін нығайту мақсатында, Жанайдар Баймырзаұлы Мусиннің туылғанына 84 жыл толуына орай қалалық мектеп оқушылары арасында «Халқы сүйген қаламгер» атты көркемсөз оқулары байқауы өтті. Байқауға  14 қала мектептерінен 17 оқушы қатысты. Жыл сайын өткізілетін дәстүрлі көркемсөз оқуларында екі кезең бойынша бақ сынасты. Абай Құнанбайұлының поэзиясынан, Ж.Мусиннің прозасынан үзінді оқу бойынша ерекше көзге түскен 5 қатысушы іріктеліп, жүлделі орындарға ие болды. Атап айтсақ, I орынды №3  Красный Яр көпсалалы орта  мектеп-гимназиясының оқушысы Бауыржанқызы Нұржайна иеленді. Жетекшісі – Харақожа Еркегул. II орынды Көкшетау қаласы, №2 орта мектеп-лицейінің оқушысы Жакимова Гаухар Ерланқызы, жетекшісі – Курманова Камар Нурмухамбеткызы және Көкшетау қаласы, №2 Красный Яр орта мектебінің оқушысы Қайырбекқызы Бибінұр иеленді. Жетекшісі – Аскарова Жанар Жакешевна. III орынды иеленгендер: №3  Красный Яр көпсалалы орта  мектеп-гимназиясының оқушысы Бахитова Асем, жетекшісі – Харақожа Еркегул, М.Ғабдуллин атындағы №3 көптілде оқытатын мамандандырылған гимназиясының оқушысы Омарова Дильназ Қуанышбекқызы, жетекшісі – Шахманова Батия Рамазановна, ІТ мектеп-лицейінің оқушысы Шарипова Дана Санатовна, жетекшісі – Жиенбаева Маркен Капаровна.

Әділ-қазы алқалары – директордың практика жұмысы бойынша орынбасары Мукушева Қарагөз Серікқызы, қазақ тілі және әдебиеті пәндерінің оқытушылары Төлеген Аян Қажыбайұлы, Рахимова Айсұлу Сенбіқызы жеңімпаздарды құттықтап, алғыстарын білдірді.