Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
«Мектепке дейінгі тәрбие және оқыту» мамандығы бойынша оқу-жұмыс жоспарлары мен оқу бағдарламаларын әзірлеу мәселелері» тақырыбындағы мәжіліс
04.05.2023
2023 жылдың 4 мамыр күні Ж.Мусин атындағы Көкшетау жоғары қазақ педагогикалық колледжінде «Білім» бейіні бойынша Республикалық оқу-әдістемелік бірлестігінің ұйымдастыруымен онлайн форматта «Мектепке дейінгі тәрбие және оқыту» мамандығы бойынша оқу-жұмыс жоспарлары мен оқу бағдарламаларын әзірлеу мәселелері» атты мәжіліс өтті. Негізгі мақсат – 2023-2024 оқу жылына арналған «Мектепке дейінгі тәрбие және оқыту» мамандығы бойынша оқу-жұмыс жоспарлары мен оқу бағдарламаларын әзірлеуде кездесетін қиыншылықтарды анықтау, олардың шешу жолдарын қарастыру, колледждерге консультативтік кеңес беру, өзара қарым-қатынаста болып, конструктивті бірлікте жұмыс атқару. Аталған мәжіліске Көкшетау қаласының «Арман», «Еркемай», «Қуаныш», «Айша», «Нұрбала», «Зерек» балабақшалары мен Зеренді ауданының 6 шағын орталық мекемесі қатысты. Мәжілістің Алғы сөзінде ҚР Оқу-Ағарту министрлігі Техникалық және кәсіптік білім беру департаментінің мазмұн және әдіснама басқармасының басшысы Ошақбаева Гүлвира Орынтайқызы іс-шараның маңыздылығын атап өтіп, оқу-жұмыс жоспарлары мен оқу бағдарламаларын әзірлеу сапалы іске асырылу керек екендігін баса айтты. Колледж директорының ғылыми-әдістемелік жұмысы бойынша орынбасары, педагог-шебер Жоламанова Тойындық Молдағалиқызы білім беру бағдарламаларын әзірлеудегі өзекті мәселелерді ашық айтып, талқылау жүргізді. Сондай-ақ колледж әдіскері, педагог-сарапшы Мәншүк Тұрлыбекқызы «Мектепке дейінгі тәрбие және оқыту» мамандығының білім беру бағдарламасының үлгісі» тақырыбында және колледж директорының өндірістік практика жұмысы бойынша орынбасары, педагог-шебер Батанасова Бақытгүл Ерғалиқызы «Оқу бағдарламалары мен тәжірибелік дағды интеграциясы» тақырыбында баяндама қорғады. Кейін диалог алаңында талқыланған тақырыптар бойынша мазмұнды сұрақтар қойылып, сарапқа салынды. Іс-шара соңында филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы мәжілісті қорытындылап, іс-шара аясында жоспарланған жұмыстардың мақсатты жүзеге асырылу қажеттігін баса айтты.
Просмотров: 316