«WorldSkills Kazakstan – 2020» колледжішілік байқауының жабылу салтанаты өтті

22-24 қаңтар аралығында бүгінгі болашақ мамандардың кәсіби деңгейлерін көтеру және біліктілігін арттыру мақсатында ұйымдастырылған «WorldSkills Kazakstan – 2020» аймақтық чемпионатқа қатысушыларды іріктеу кезеңінің жабылу салтанаты өтті. Іріктеу «Мектепке дейінгі тәрбие және оқыту» және «Бастауыш сыныптарды оқыту», «Музыкалық білім беру», «Дене тәрбиесі және спорт» құзыреттіліктері бойынша өткізілді.

Салтанатты кеш Ж.Мусин атындағы Көкшетау жоғары қазақ педагогикалық колледжінің директоры Нұртас Ахатұлының алғы сөзімен ашылды. Қазіргі болашақ маман білімді, ізгі, келер ұрпақты тәрбиелеу мен оқытуда жаңа технологияларды шеберлікпен қолдана білетін кәсіби шебер маман болу қажеттігі және бәсекеге барынша қабілетті даяр маман болып қалыптасуына колледж тарапынан барынша мүмкіндіктер жасалғандығын атап өтті.

Жабылу салтанатында апта бойы өткізілген колледжішілік іріктеу байқауынан үзінділер, ерекше сәттерден құралған фильм көрсетілді. Чемпионат қорытындысының жеңімпаздарын колледж оқытушысы Төлеген Өмірбек Шаймұратұлы, директордың оқу жұмысы бойынша орынбасары Рахимжанова Әсел Қайроллақызы диплом, сертификаттармен марапаттады.

Колледжішілік байқаудан сүрінбей өтіп, «WorldSkills Kazakstan – 2020» аймақтық чемпионатына жолдама алған студенттерді құттықтаймыз!