Кәсіби бағдар беру жұмыстары жалғасуда

Ағымдағы жылдың 27 сәуір күні Ж.Мусин атындағы Көкшетау жоғары қазақ педагогикалық колледжі «Тіл және әдебиет» кафедрасының оқытушылары Қайырбай Айым Маралбекқызы мен Қайыржан Тілек Сағындыққызы кәсіби бағдар жұмысын жүргізу мақсатында Ақмола облысы білім басқармасының Көкшетау қаласы бойынша білім бөлімі Көкшетау қаласының №11 мектеп-гимназиясында өткен ата-аналар жиналысына қатысты. Қатысушыларға колледжде оқытылатын мамандықтар, қажетті құжаттар, квота түрлері, әр біліктілік бойынша бейіндік пәндер туралы толық хабарланды. Сондай-ақ  колледж базасындағы студенттерге арналған үйірмелер, клубтар бойынша ақпарат берілді.