Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
Армрестлингтен Әлем Кубогінің жүлдегерімен кездесу.
13.02.2023
Ағымдағы жылдың 11 ақпан күні Ж.Мусин атындағы Көкшетау жоғары қазақ педагогикалық колледжінің «Дене мәдениеті» бөлімінің 4 курс студенті, армрестлингтен Әлем Кубогінің жүлдегері Амирсанин Сағындықпен кездесу өтті. Сағындық 2023 жылдың 31 қаңтар - 8 ақпан аралығында Вильнюс қаласында өткен армрестлингтен Әлем Кубогінде топ жарып, ауқымды спорттық додада спорттық шеберлік пен қажымас қайраттың арқасында 2-орынды иеленді. Кездесуге «Дене мәдениеті» бөлімінің студенттері, колледж әкімшілігі мен оқытушылары қатысты. Директордың тәрбие жұмысы жөніндегі орынбасары Ілияс Данагүл Нұртайқызы Сағындыққа алғысын білдіріп, алдағы дүбірлі додаларда әрқашан жеңіс тұғырынан көрінуіне тілектестік білдірді. Кездесу барысында спортшы студенттерге өзінің түрлі сайыстардағы жеңістері туралы, жастарды салауатты өмір салтын ұстануға, спортпен айналысуға шақырды, қазіргі жастардың алғырлығы мен патриоттық сезімі жоғары болу керектігін атап өтті. «Дене мәдениеті» бөлімінің студенттері өздерін толғандырған сұрақтарына жауап алып, қайсарлық, өршілдік, жоғары спорттық шеберлік және жеңіске деген құлшыныстың арқасында нәтижеге қол жеткізуге болатынына көздері жетті. Жиын соңында Әлем Кубогінің жүлдегері колледж директоры Ахат Нұртас Ахатұлы атынан Алғыс хатпен марапатталды.
Просмотров: 174