Тамыры терең, тұғыры биік – Тәуелсіздік!

Тәуелсіздіктің 28 жылдығына орай Ж.Мусин атындағы Көкшетау жоғары қазақ педагогикалық колледжінде тәрбие бөлімі тарапынан кешенді іс-шаралар ұйымдастырылды. 9-14 желтоқсан аралығында колледж үйірмелерінің, жастар комитетінің жетекшілігімен «KPK life» парақшасында «Мен Тәуелсіздік ұланымын» тақырыбында бейнероликтер байқауы, «Тәуелсіздік – тұғырым» атты эссе байқауы, «Ғасырлар арманы – Тәуелсіздік» атты жас ақындар мүшәйрасы, «Желтоқсан алауы» тақырыбында рухани кеш өткізілді. Әскери қолданбалы спорт түрлерінен, тоғызқұмалақ, шахмат, дойбы ойындарынан және үстел теннисі бойынша жарыстар жүргізілді.

14 қараша күні колледждің салтанат залында «Тамыры терең, тұғыры биік – Тәуелсіздік!» тақырыбында мерекелік концерт өтті. Салтанатты жиынды колледж директоры Нұртас Ахатұлы  ашып Тәуелсіздік күнімен құттықтады.

1986 жылғы желтоқсан оқиғасының маңызы жайлы, аталарымыз аңсаған тәуелсіздігіміздің мазмұнының тереңдігін көрсете отырып өз елінің тарихын білуге, отанын сүюге, патриоттық тәрбие беру мақсатында ұйымдастырылған концерт жоғары деңгейде өтті.