«Тәуелсіздік – ел бақыты» тақырыбында тәрбие сағаты өтті

Желтоқсан айының 12 күні «Тіл және әдебиет» кафедрасының оқытушысы К.Абиева Филология бөлімінің 2 курс қолданбалы бакалавр тобымен «Тәуелсіздік – ел бақыты» тақырыбында ашық тәрбие сағатын өткізді. Мақсаты – Желтоқсан көтерілісінің  сипатын насихаттай отырып, Желтоқсан құрбандарын мәңгі есте сақтау, тәуелсіздік бастауы ызғарлы Желтоқсан оқиғасы екенін жете түсіндіру, жас ұрпақ бойында еліне, жеріне, ұлтына деген  патриоттық сезімін қалыптастыру. Тәрбие сағаты «Желтоқсан оқиғасы, себептері мен салдары», «Желтоқсанда үзілген жауқазындар», «Желтоқсан қаһарманы», «Тәуелсіздік тұғырында» сынды бөлімдермен танымдық бағытта ұйымдастырылды.