ІІ жартыжылдық бойынша дипломалды практиканың мақсат, міндеттері

2021 жылдың 6 қаңтар күні 0103000 «Дене тәрбиесі және спорт», 0105000 «Бастауыш білім беру», 0111000 «Негізгі орта білім беру» мамандықтарының ІV курс студенттеріне дипломалды практиканың мақсат, міндеттерімен таныстыру мақсатында директордың практика жұмысы бойынша орынбасары Қ.Мұқышева ZOOM платформасы бойынша жиналыс өткізді. Әр машықкердің практика кезінде күнделік, сабақ жоспарлары, үлгі сабақ, ауылдық мектептерде мектеп оқушыларына кәсіптік бағдар беру жұмыстары бойынша құжаттарды тапсыру керектігі жайлы ақпарат берілді. Практика кезінде «СOVID-19» дертін жұқтыру қаупін сақтандыру үшін қауіпсіздік ережелерімен таныстырылды. Ауыл мектептерінде қызмет атқаратын колледж түлектері туралы мәлімет алу тапсырылды. Студенттерге жолдама, күнделік-есеп таратылып, құжаттарды толтыру жүйесі түсіндірілді. Жиналысқа топ жетекшілері, әдіскерлер қатысты. Машықтанушыларға алдағы дипломалды іс-тәжірибені жоғары деңгейде өтулеріне сәттілік тілейміз.