«WORLDSKILLS – 2023» колледжішілік чемпионатының ашылу салтанаты

2022 жылдың 18 қараша күні Ж.Мусин атындағы Көкшетау жоғары қазақ педагогикалық колледжінде «WORLDSKILLS – 2023»  колледжішілік чемпионатының ашылу салтанаты өтті. Негізгі мақсат – постиндустриалды кезеңде төртінші өндірістік революцияның нәтижесін көрсетіп, экономикалық дамуға үлес қосатын орта буын мамандарының қызметін жастар арасында кеңінен насихаттау, кәсіби педагогикалық мамандықты таңдаған білім алушыларды үздік болуға талпындыру. Колледж директорының оқу жұмысы бойынша орынбасары Рақымжан Әсел Қайроллақызы қатысушыларға сәттілік тілеп, ерік-жігер берсе, практика жұмысы бойынша орынбасары Мұқышева Қаракөз Серікқызы аталмыш чемпионаттың маңыздылығын атап өтті. «WorldSkills Aqmola – 2022» облыстық кәсіби шеберлік чемпионатында «Мектепке дейінгі тәрбие және оқыту»  құзіреттілігі бойынша Белгумбаева Анар Азаматқызы І орын иеленіп, Республикалық чемпионатқа жолдама алған болатын. Осыған орай алтын медаль иегері бейнеқұттықтау жолдап, жас өрендерге сенім білдірді.  18-29 қараша аралығында өтетін он күндік чемпионат барысында «Мектепке дейінгі тәрбие және оқыту», «Бастауыш сыныптарда оқыту», «Музыкалық білім беру», «Қазақ тілі мен әдебиеті», «Шетел тілі мұғалімі» және «Информатика мұғалімі» құзіреттіліктері бойынша қатысушылар өз шеберліктерін көрсетеді. Чемпионат білікті кадрларды даярлауға жаңа идеялар мен трендтер жасауға, кәсіби шеберлік дағдыларын жетілдіруге ықпал етеді. Конкурсқа қатысушыларды колледжіміздің эксперт-компатриоттары бағалайды.