Кәсіби біліктілікті арттыру – заман талабы

   2019 жыл 22 қарашада «Өрлеу» БАҰО» АҚ филиалы «Ақмола облысы бойынша педагогикалық қызметкерлердің біліктілігін арттыру институтында» «Ағылшын тілін оқытудың тиімді стратегиялары» тақырыбында ағылшын тілі мұғалімдеріне арналған халықаралық семинар өтті. Семинарға колледжіміздің «Шет тілі» кафедрасының оқытушылары қатысып, өзара тәжірибе алмасып келді. Семинардың практикалық құндылығы - Қазақстандағы АҚШ Елшілігінің Ағылшын тілін аймақтық басқармасымен бірлесе отырып, ағылшын тілін оқыту бағдарламасы аясында жұмыс істейтін Наиля Исламның шеберлік сыныптары мен тренингтерімен танысу. Сабақ ағылшын тілін оқытудағы белсенді стратегияларды қолдануға бағытталған. Мұғалімдер студенттерге арналған ауызша сөйлеу бойынша тиімді тапсырмаларды құрастыруда, эссенің бес тармақты моделін жазуда тәжірибе алмасты, әдеби үйірмелердің іс-тәжірибесімен және қызметімен танысты.