Халықаралық студенттер күні тойланды

     Халықаралық студенттер күн іСтуденттік өмір адамның жастық қуаты тасып, шаршау мен уайымды білмей, ізденумен, үйренумен, танысумен, табысумен өтетін ерекше шағы. Бұл кезде білім кеңістігің, көңіл көкжиегің кеңіп, махаббат пен ғашықтық отының да ыстығына күйіп, жалынына шарпылып жүретінің жасырын емес. Оқу ордасында талай дос тауып, әзілің жарасып, құрбы-құрдаспен күліп-ойнап өтетін күндерің де көп.Жалынды жастық шақтың мерекесі - студенттер күнінің шығу тарихы Екінші Дүниежүзілік соғыс кезінде Чехословакияда басталған. Одан бері талай жылдың жүзі болды. Тарихы қанды оқиғамен бастау алған осы бір мейрам қазірде әлемнің түпкір-түпкірінде бар сән-салтанатымен аталып өтіледі.

      Біз де бұл мерекені аттап өте алмадық, колледждің жас ұстаздар қауымы тарапынан студенттерге ерекше әсер қалдырған студенттік күн аталып өтілді. Колледж табалдырығын аттағаннан мерекелік көңіл-күй сыйлау мақсатында тілек жазылған тәттілер ұсынылды. Әсем ән, жылы лебізді құттықтаулармен басталған студенттер күні колледжіміздің жас оқытушылары тарапынан ұйымдастырылған мерекелік кешпен өз жалғасын тапты.