«Ақын – елдің ардағы» атты кездесу кеші

2022 жылдың 29 қыркүйек күні Ж.Мусин атындағы Көкшетау жоғары қазақ педагогикалық колледжіндегі Абай атындағы электронды-ресурстық кітапханасында «Оқуға құштар колледж» жобасының аясында Көкше өңірінің жергілікті ақындарымен кітапхана журфиксі өткізілді. Іс-шараның мақсаты – студенттерді жерлес ақындардың шығармашылығымен таныстырып, патриоттық рух беріп, адамгершілік қасиеттерге баулу. Атақты ақын бабаларымыздың даңқты жолын жалғастырып келе жатқан танымал, талантты жерлес-ақындарымыз, Қазақстан Республикасы Журналистер одағының мүшесі Ұлмекен Тыныштыққызы мен аймақтық, облыстық, республикалық жыр мүшәйраларының жүлдегері Табысбек Үсен «Ақын – елдің ардағы» атты кездесу кешінің құрметті қонағы болды. Кеште «Дене мәдениеті» бөлімінің ІІІ курс студенті Амангельдинов Азамат «Жұмыр қылыш» күйін ойнап, бойды шымырлатты. «Филология» бөлімінің бір топ студенттері ақындардың өлеңдерін оқыды. Кітапхана журфиксі емін-еркін форматта өткізіліп, ерекше әсер сыйлады.