Абай атындағы көркемсөз оқу шеберлерінің қалалық байқауы

      Ағымдағы жылдың мамыр айының 23-і күні  Көкшетау қаласының мәдениет және тілдерді дамыту бөлімінің ұйымдастыруымен «Абай атындағы көркемсөз оқу шеберлерінің қалалық байқауы» өтті. Мақсаты – мемлекеттік тілдің қолданылу аясын кеңейту, тіл мәдениетін көтеру, көркем әдебиетті насихаттауды жандандыру, талантты жастарды анықтау. Байқауға 17-29 жас аралығындағы Қазақстан Республикасының азаматтары қатысты. Байқау шарты бойынша әр қатысушы біріншіден, Б.Майлиннің, С.Сейфуллиннің 125 жылдығына орай аталған қаламгердің шығармаларынан және қазақ әдебиетінің көрнекті прозалық шығармаларынан үзінді оқу. Екіншіден, С.Дөнентаевтың, І.Жансүгіровтың 125 жылдығына және Ф.Оңғарсынованың 80 жылдығына орай поэзиялық шығармаларынан үзінді оқуы қажет болды. Ж.Мусин атындағы Көкшетау жоғары қазақ педагогикалық колледжінің филология бөлімінің студенттері Бақтиярова Гүлнәр, Оспанов Еламан, Секел Жанарбек Ілияс Данагүл Нұртайқызының жетекшілігімен қатысып жақсы өнер көрсетіп алғыс хатпен, бағалы сыйлықпен марапатталды.