Кәсіптік бағдар беру жұмысы

    Кәсіптік бағдар беру – педагогтардың және басқа да мамандықтардың қоғамның қажеттілігіне қарай әрбір оқушының қабілеті мен бейімділігін ескере отырып, кәсіптік қызығуы мен қабілеттілігін қалыптастыруға және мамандық таңдауға көмектесуде, бағыт беруде жүргізілетін маңызды жұмыс түрі. Осы мақсатта Ж.Мусин атындағы Көкшетау жоғары қазақ педагогикалық колледжінің музыка бөлімінің меңгерушісі – Тасмуканбетов Серік Жамбылұлы, дене тәрбиесі пәнінің оқытушысы – Садвакасов Берік Қабиұлы, қабылдау комиссиясының жауапты хатшысы – Кажакпарова Айгерім Ермекқызы мамыр айының 14-16 күндері аралығында Ақмола облысы, Солтүстік Қазақстан облысы бойынша Айыртау, Атбасар, Сандықтау, Есіл, Жарқайын, Зеренді, Бұланды, Бурабай, Біржан сал, Ақкөл, Шортанды аудандары бойынша жалпы білім беретін, музыкалық білім беретін және спорт мектептеріне барып ақпарат таратып, оқу ғимаратының кітапхана, асхана, спорт залы, тренажер залы, салтанат залы, «Жігер» спорт қалашығы, суденттер жатақханасы туралы толық мәлімет берерлік бейнебаян көрсетіп болашақ талапкерлерді ақпараттандырып келді. Аталған аудандар бойынша 30 мектепке барып, 260-тан аса ақпараттық материалдар таратылды.