«WorldSkills Kazakstan - 2019»

      2019 жылдың 12-14 наурыз күндері аралығында Щучинс педагогикалық коледжінде «Бастауыш сыныптарды оқыту» құзіреттілігі бойынша «WorldSkills Kazakstan – 2019» аймақтық чемпионаты өтті. Мақсаты – Халықаралық стандарттар негізінде жоғары технологиялық салаларды кадрлық қамтамасыз ету тетіктерін, соның ішінде кәсіби бағдарлау, кадрларды даярлау, сараптамалық қауымдастықтарды қалыптастыру және еңбек өнімділігін арттыру тіректерін қалыптастыру. Байқаудың тапсырмалары төмендегідей:

• Ауызша эссе. Шығармашылыққа құрылған тақырып негізіндегі тапсырма орындау;
• Үй тапсырмасы Бастауыш сыныптағы бір оқу пәні (жаңартылған бағдарлама) бойынша сабақтан үзінді дайындау және өткізу (жаңа білімді ашу кезеңі). Білім беру процесін әдістемелік қамтамасыз ету үшін оқу презентациясының әзірлемесі (жаңа білімді ашу кезеңі);
• Оқушылардың жалпы адамзаттық құндылықтарын кеңейту мақсатында сыныптан тыс сабақтың әзірленуі мен өткізілуі;
• Бірінші сынып ата-аналарымен өткізілетін ата-аналар жиналысының әзірлемесі.
• «5» минутта үйретемін» конкурсы.

      Аталған байқауға Ж.Мусин атындағы бастауыш білім беру бөлімінің БМ-31 тобының студенті Маджитова Лаура қатысып, өз бағын сынап келді. Қатысушылар әр кезеңге жоғары жауапкершілікпен дайындалғандарын көрсете білді. Байқау жоғары деңгейде ұйымдастырылды.