Ару – өмір шырағы

      Ағымдағы жылдың 6 наурыз Ж.Мусин атындағы Көкшетау жоғары қазақ педагогикалық колледжінде «Ару – өмір шырағы» атты Халықаралық әйелдер мерекесіне орай колледждегі барлық қыз-келіншектерге арнап мерекелік концерт ұйымдастырылды. Мереке барша қыз-келіншектерге жақсы көңіл-күй сыйлау мақсатында таңертеңгілік уақыттан ерекше әуенмен, гүл шоқтарын сыйлап қарсы алудан басталды. Концерттік бағдарламада алғы сөз колледж директоры, филология ғылымдарының кандидаты, ПҒА корреспондент мүшесі Ахат Нұртас Ахатұлына берілді. Барлық қыз-келіншектерді көктемнің алғашқы мерекесімен құттықтап дендеріне саулық, шығармашылық табыс тіледі. Оқытушылар мен қызметкерлер және белсенді студенттер грамота, алғыс хаттармен марапатталды. Кеш әсем әнмен, сыңғырлаған күймен өз жалғасын тапты.