«ТАМЫРЫ ТЕРЕҢ, ТҰҒЫРЫ БИІК – ТӘУЕЛСІЗДІК» САЛТАНАТЫ

2021 жылдың 15 желтоқсан күні Ел Тәуелсіздігінің 30 жылдық мерейтойына арналған «Тамыры терең, тұғыры биік – Тәуелсіздік» атты салтанатты кеш өтті. Іс-шара «Тәуелсіздік – бабалар аманаты» тақырыбындағы сахналық қойылыммен басталды. Онда «Желтоқсан» оқиғасын бейнелеп, Тәуелсіздік жолында құрбан болған боздақтарды еске алады. Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы мерейлі мерекемен колледж ұжымы мен студенттерді құттықтай отырып, «Айбын – 2021» VII Республикалық әскери-патриоттық жастар жиынына белсенді қатысқан «Айбын» әскери-патриоттық клубының мүшелерін марапаттады. Сондай-ақ аталмыш клубтың жетекшісі Жабағин Тілектес Есенжолұлына алғыс хат табыс етілді. Колледждің оқу тәрбие процесінде ерекше көзге түсіп, түрлі деңгейдегі мәдени-қоғамдық, әдеби іс-шараларда белсенділік танытқан студенттер де арнайы мадақтамамен марапатталды. Салтанатты кеш те рухты оятатын ән де, жүректен шыққан өлең де, тақырыппен үндескен би де, күмбірлеген күй де болды. Іс-шара барысында оқу-тәрбие бөлімінің әдіскері Мәншүк Тұрлыбекқызына, ағылшын тілі пәнінің оқытушысы Ташенова Айжан Қадырбайқызына және колледж баспаханасының қызметкері Ғаббасова Айымгүл Болатханқызына Тәуелсіздіктің құрдастары ретінде Қазақстанның рухани, әлеуметтік даму жолында және білім беру саласында жас жеткіншектердің тәрбиесі мен кемел келешегіне ықпал етіп, сапалы білім, саналы тәрбие беруге зор үлес қосқаны үшін алғыс хат табыс етілді.