Алматыкітап баспасы мен Ж.Мусин атындағы Көкшетау жоғары қазақ педагогикалық колледжінің меморандумға қол қою рәсімі

Ағымдағы жылдың 9 қараша күні Ж.Мусин атындағы Көкшетау жоғары қазақ педагогикалық колледжінде Алматыкітап баспасымен екі жақты ынтымақтастық меморандумына салтанатты түрде қол қою рәсімі өткізілді. Іс-шараға Алматыкітап баспасы директорлар кеңесінің төрайымы Баталова Элеонора Нигметқызы, «Алматыкітап баспасының» президенті Саймасаева  Гаухар Айтжановна, Алматыкітап баспасының цифрлық орталығы басшысының орынбасары, педагогика ғылымдарының кандидаты  Рысқұлбекова Әсима Дәулетбекқызы, Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы, колледж кітапханашылары, оқытушылары, студенттері қатысты. Алғы сөз Алматыкітап баспасының директорлар кеңесінің төрайымы Баталова Элеонора Нигметқызына берілді. Студенттер мен келген қонақтар үшін Алматыкітап баспасының әдеби кітап көрмесі қойылды. Іс-шара барысында Алматыкітап баспасының құрастырған «TopIQ.kz» платформасының тұсаукесері өтіп, Рысқұлбекова Әсима Дәулетбекқызы қыр-сырымен толықтай таныстырды. Платформаның тиімділігі – ҚР Білім және ғылым министрлігі бекіткен жүйеге сәйкес оқулықтағы әр тақырып интербелсенді тапсырмалармен, мультимедиялық материалдармен толықтырылған. Сондай-ақ кез келген құрылғыда, ыңғайлы қарқынмен жұмыс істеу мүмкіндігі бар. Іс-шара соңында Ж.Мусин атындағы Көкшетау жоғары қазақ педагогикалық колледжінің кітапханасына Алматыкітап баспасының кітаптары сыйға тартылып, ынтымақтастық меморандумына қол қойылды. Болашақта оқулық жазу мәселесі бойынша Алматыкітап баспасымен бірігіп жұмыс жасау жоспарланып отыр.