Колледждегі «Думан» Ақмола облыстық педагогикалық жасағы» қоғамдық бірлестігі мен «Nur Otan» партиясы жанындағы «Jas Otan» Жастар қанаты мүшелерінің кездесуі

Қыркүйектің 27-сі күні Ж.Мусин атындағы Көкшетау жоғары қазақ педагогикалық колледжінде «Думан» Ақмола облыстық педагогикалық жасағы» қоғамдық бірлестігі және «Nur Otan» партиясы жанындағы «Jas Otan» Жастар қанаты мүшелерінің жиналысы өтті. Оған колледждің  І,ІІ курс студенттері мен Жастар ісі комитеті мүшелері де белсене қатысты. Ондағы мақсат – білім алушыларды қоғамдық өмірге тарту, бос уақыттарын тиімді пайдалануға бағыт-бағдар көрсету. Жиналыста еріктілерден құралған бірлестік мүшелері өзінің жұмыс жоспарымен таныстырып, жеткен жетістіктерін көрсету арқылы үгіт-насихат жүргізді. Іс-шара соңында Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы жастарға қолдау білдіріп, ақыл-кеңесімен бөлісті.