Қазақстандық салалық білім және ғылым қызметкерлері кәсіподағы делегациясының колледж ұжымымен кездесуі

Қазақстандық салалық білім және ғылым қызметкерлері кәсіподағының делегациясы «Ж.Мусин атындағы Көкшетау жоғары қазақ педагогикалық колледжінің» ұжымымен кездесті. Делегация білім ошағының жұмысымен түбегейлі танысу жүргізді. Кездесу барысында аталмыш білім беру мекемесінің республика бойынша 10 үздік колледж қатарынан көрінгендігі атап өтілді. Алғашқы сөз колледж директоры, Қазақстанның еңбек сіңірген ұстазы, филология ғылымдарының кандидаты, Қазақстан Педагогикалық ғылымдар академиясының академигі  Ахат Нұртас Ахатұлына берілді. Қазақстандық салалық Білім және ғылым қызметкерлері кәсіподағының төрайымы Мұқашева Айгүл Мақсатқызы атқарылған жұмыстарға оң пікірін білдірді. Сондай-ақ, «Білім және ғылым қызметкерлерінің  кәсіподағына  сіңірген еңбегі үшін» төсбелгісімен колледждегі педагогика, психология және жеке пәндер кафедрасының  оқытушысы Әміржанова Гульмира Кайыржанқызы, кадр инспекторы Салықова Самал Маратқызы, Мемлекеттік сатып алу жұмыстары бойынша менеджері Саду Айбек Серікжанұлы  марапатталады. Орыс тілі мен әдебиеті пәні оқытушысы Жабагинова Майра Канапияқызы, музыка кафедрасының оқытушысы Таткенова Сауле Кайратовна, колледж қызметкерлері Габбасова Аимгуль Болатханқызы, Кикаринов Марат Балахметұлы мен Пляцок Олег Васильевич Қазақстандық салалық Құрмет грамотасын иеленді.