ӘДІСТЕМЕЛІК SCAFFOLD СЕМИНАР-ПРАКТИКУМЫ

Ағымдағы жылдың 25 қараша күні Ақмола облысы білім басқармасының техникалық және кәсіптік, орта білімнен кейінгі білім беруді дамыту орталығының ұйымдастыруымен Щучинск жоғары педагогикалық колледжі базасында “Әдістемелік Scaffold: кәсіптік білім беру жүйесін құрудың тиімді құралы” тақырыбында семинар-практикум өтті.
Аталған семинар-практикумға Ж.Мусин атындағы Көкшетау жоғары қазақ педагогикалық колледжінің ағылшын бөлімінің меңгерушісі Айсара Жанатқызы Каппас, шетел тілі кафедрасының меңгерушісі Газиза Габдул-Манаповна Амангелді және математика пәнінің оқытушысы Меруерт Тілеубайқызы Жалғасбай қатысып, практикалық бөлімінде Scaffold құралын тиімді қолдану бойынша өз тәжірибелерімен бөлісті.
Семинарға Ақмола облысының колледж оқытушылары қатысты. Қатысушылар келесі бағыттар бойынша жұмыс жасады:
– қоғамдық-гуманитарлық бағыт;
– жаратылыстану-математикалық бағыт;
– агротехникалық бағыт;
– техникалық бағыт;
– шығармашылық бағыт;
– педагогикалық бағыт;
– IT бағыты;
– қызмет көрсету саласы бағыты.